Am diesjährige Frühlingsbott het öise 1. Zunftmeischter  Rückschau of d'Fasnacht 2025 ghalte. Mit em Motto " FantasieHa " ond der Obernärrin    "Nudi I. " hei mer e tolli, farbefrohi ond i allne Belange gsellegi Fasnacht chönne erläbe. Me het gmerkt, dass die jungi Fraueclique "Tschätterlisis" mit guete Idee ond fröschem Schwong d'Wangner Fasnacht i nöie s'Phäre ghobe het. Danke Tschätterlisis"!
E Höheponkt von höttige Obe esch d'Ehrig vom verdienschtvollschte Zünfter 2024/2025 . Er esch e stille Chrampfer a vielne Aläss,ond duet i der Bärechochi a de Fescht als Gourmetchoch brilliere. Er haltet Zunfthüsli als Zunfthüsliwart im Schoss.....noni fertig... nei als Musikus be de Bärezwicker duet är brilliere. Liebe Joe, härzlechi Gratulation zo dim Ehretitel.
Nach em offizielle Teil het Zunftgmeind e feine Salat, Hörnli mit Ghacketem und Öpfumuess chönne gniesse,. E Dank a d'Chöch Joe, Roli ond Ewald.  
Met ere Fotopräsentation vo de Fasnachtsaläss ond vergangne Zyte isch das Früheligsbott 25 langsam usklunge.
 
 
 
 
 
 

D'Wanger Fasnachtstage 2025 esch Gschecht on si verbie.
Nudi I. met ehrne "Tschätterlisi" hei die Fasnacht mit ehrem grosse Engagement, met ehrer Kreativität, Ideevöufalt, Präsenz ond vor allem ehrer Härzlechkeit  so sehr beläbt. 

Danke vöu Mol "Tschätterlisi" för aues, der heit das super gmacht!!!!!!! 

I der Galerie findet der Fötelis vo de verschiedene Fasnachtsaläss, vöu Spass. 

03.03.25/bbu 

Die Wangner Fasnachtstage sind "voll" im Gang. Nudi I.  mit den Tschätterlisis im Schlepptau führen omnipräsent durch die Fasnachtstage. In der Foto-Galerie sind die einzelnen Anlässe festgehalten und werden laufend angepasst. Vöu Spass!